أثر المحبة نبضها دوووم سرّاق......

أعظم (وجع) بالحب لا صرت تشتاق

لـاللي تحب ولا أنت قادر تشوفه!

يكويك "جمرٍ" داخل القلب حرّاق

زود ٍعلى ناره تهدّك طيوفه!

لا مرّ بعيونك كما نوض برّاق

مالك مجال إلاّ تساير ظروفه

ياصاحبي لو بيني و بينك آفاق

نفسي معك في كل حالة شغوفة

ما كنت "قبلك" خلف الإحساس أنساق

وإن شفت درب الحب أسكت وأطوفه

يلين جاني منعطف سيل الأشواق

بأمر الغرام اللي سطت بي سيوفه

قاومت لكن! خافي الحب ماطاق

صابه صمود ٍ زلزل أجزاء خوفه

بغيت أردّه بس حسيت بإخفاق!

في لحظة ٍ"مد" لـكفوفك كفوفه

جا لك ولا كنت أحسب الحب دفاق

لين أغرق الخافق وسال بـنزوفه

أثْر المحبة نبضها دوم سرّاق

دمي وهو دمي بجسمي تحوفه!!

حاولت أداري حب قلبي بالأوراق

وأثْر الورق ماهي أمينة حروفه

سلّ المشاعر من متاهات الأعماق

وأصبح يفسرّ كل وضع بوصوفه

يكتب تقارير الغلا وقت الإشراق

وعند المسا يعطيك باقي كشوفه

يا"جامع" ٍ حنيّة الكون بأخلاق

معذور قلبي لو يضمك بجوفه!

لكم مني كل الووووووود [ندعوك للتسجيل في المنتدى أو التعريف بنفسك لمعاينة هذه الصورة]